5:30 AM 13JAN2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 735 km Sidlakan Habagatang-sidlakan (East Southeast) nga bahin sa Hinatuan, Surigao del Sur ganihang 3:00 sa buntag.
Ang Northern Mindanao dili apektado sa Trough o extension sa LPA; Tail End of a Cold Front ug Amihan (Northeast Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) maoy mo-resulta sa 0.4 – 2.1 meters nga balud sa kadagatan sa Northern Mindanao.
Madag-umon ngadto sa hinay (light) nga pag ulan ang nasinati sa ubang parti sa Cagayan de Oro karong orasa.
Hinay (light) nga pag ulan ang nasinati sa ubang parti sa Libona; Mampayag, Dahilayan ug Lindaban, Manolo Fortich.(Kining mga lugara mao ang tinubdan sa tubig nga makapabaha sa Lapasan paingon sa Bugo).
Hinay (light) nga pag ulan usab ang nasinati sa ubang parti sa Talakag ug Baungon.(Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
