Matapos ideklara it Department of Health (DOH) rong National Dengue ALert, nagpaguwa it mga padumdom rong World Health Organization (WHO) para malikawan rong sakit.
Suno sa WHO, kung uwat namok hau uwat sakit nga dengue rason nga dapat himuon it publiko rong andang responsibilidad para malimpyo rong mga lugar nga posibleng maging breeding sites ng lamok.
Ginhambae it WHO nga rong mga water storage containers nga uwa ginagamit hay dapat siguraduhon nga uwa it nabilin maski sangkiri nga tubi ag kung may tubi man hay dapat takpan it mayad.
Ro mga flower vases, plant pots ag pet bowls hay dapat permi nga malimpyo.
Rong mga gutter hay dapat perming malimpyo ag ginasiguro nga uwa it stagnant water.
Ro mga uwa ginagamit nga containers ag iba pang bagay nga pwedeng matipunan it tubi hay mas mayad nga ipilak eon lang.
Ro mga container nga nakatagao hay dapat baliskaron para indi matipunan it tubi kung mag uean.
Padumdom it WHO, maging ro maintok nga takop it bote hay pwedeng itlugan it namok rason sa dapat gid nga magdoble rong pagdahan it publiko.
