Davao City- Subay sa selebrasyon sa World Teachers’ Day karong adlawa, pipila ka mga batan-on ug mga maestra ang nagtapok kaganina sa Freedom Park aron ipasibaw ang ilang mga mulo ngadto sa gobyerno.
Naglusad og lihok protesta ang Alliance of Concerned Teachers (ACT-Teachers), Liga ng mga Iskolar ng Bayan, Association of Community Educators (ACE), ug kapin 50 ka mga estudyante ang niduyog sa maong kalihukan gikan Salugpungan community school nga gipahigayon sa Freedom Park ning dakbayan sa Dabaw kaganinang hapon.
Sumala ni Nerhaya Talledo, tigpamaba sa Salugpungan community school, ilang gipasibaw nga protektahan ang siguridad sa mga magtutudlo ug mga estudyante gani hinaut usab nila nga taasan ang sweldo sa mga magtutudlo.
Dugang ni Talledo, buot usab nila ipaabot kang Presidente Rodrigo Duterte nga undangon na ang Martial Law dinhi sa Mindanao.
RadyoMan Don Pulayao
