Yours Truly iFM
January 03, 2018
With RadyoMaN DJ Kat And RadyoMaN Bruno Banana
(Photo from Web)
Dear iFM,
Maayong hapon mga bestfriends.
Ako gali si Bordz kag may bestfriend ako nga tawga niyo lang kay Biboy. Best of friends gid kami humalin pa sang bata.
Pero naglayu-ay kami kay sa Manila ako nag-high school kay didto na-assign si papa. Last year, nagbalik ako sa Iloilo para mag-eskuwela sa college kay mabudlay sa Manila.
May nakilala ako nga guwapa kag mabuot nga dalaga sa pihak balay namon. Mitch ang pangalan niya kag ginpangaluyagan ko siya. Ginsabat niya ako pagkatapos sang tatlo ka bulan nga pangaluyag ko sa iya.
Ang problema ko kay dugay na gali nga nagapangaluyag si Biboy sa iya. Ginhambalan niya lang nga indi pa siya ready.
Sumugod sang nangin kami ni Mitch daw naglain na ang treatment ni Biboy sa akon. Gusto ko siya tani istoryahon kay wala gid ako kabalo nga may gusto man gali siya kay Mitch.
Galibog ang ulo ko kay palangga ko si Mitch pero gusto ko man nga hatagan importansiya ang amon pag-abyanay ni Biboy.
Ano ang himuon ko?
Yours Truly,
Bordz
