Patuloy na nararanasan ang mas mababang presyuhan sa produktong itlog sa mga pampublikong pamilihan sa lungsod ng Dagupan.
Sa kasalukuyan, bumaba pa sa ₱5.50 ang pinakamurang ibinebenta ngayon sa merkado. Mas mababa kumpara noong nakaraang linggo na nasa ₱6.
Matatandaan na bunsod ito ng mataas na suplay dahil sa magandang produksyon ng nasabing produkto, na mismo ring kinumpirma ng Samahan ng Industriya at Agrikultura o SINAG.
Kaugnay nito ang paghikayat ng ahensyang Department of Agriculture (DA) sa mga consumers na damihan ang pagbili at pagkain ng itlog upang masabayan ang kalagayan nitong oversupply sa merkado.
Samantala, nananatili naman sa ngayon ang presyuhan o walang mataas na paggalaw sa iba pang agricultural products tulad ng manok, baboy, gulay at iba pa. |𝙞𝙛𝙢𝙣𝙚𝙬𝙨
