𝗤𝗨𝗜𝗥𝗜𝗡𝗢 𝗣𝗥𝗢𝗩𝗜𝗡𝗖𝗘, 𝗞𝗔𝗨𝗡𝗔-𝗨𝗡𝗔𝗛𝗔𝗡𝗚 𝗣𝗥𝗢𝗕𝗜𝗡𝗦𝗬𝗔 𝗦𝗔 𝗥𝗘𝗚𝗜𝗢𝗡 𝟮 𝗡𝗔 ‘𝗜𝗡𝗦𝗨𝗥𝗚𝗘𝗡𝗖𝗬-𝗙𝗥𝗘𝗘’

Idineklara ng ‘Insurgency-Free’ ang lalawigan ng Quirino sa bisa ng Resolution no. 145 series of 2022 kasabay ng kaarawan ni Quirino Governor at Union of Local Authorities of the Philippines Chairman Dakila Carlo Cua.

Nakapaloob sa resolusyon ang pagkakatatag sa Provincial Task Force to End Local Communist Armed Group (PTF-ELCAC) upang tumugon sa kinakaharap na problema laban sa komunistang grupo sa ilalim ng “Whole of the nation Approach and Good Governance”.

Iginawad naman ng dalawang opisyal ng Philippine Army na sina BGen. Audrey Pasia, Commander ng 5th Infantry Division at BGen. Danilo Benavides, commander ng 502nd Infantry Brigade ang Sertipiko ng Pagkilala kay Governor Cua dahil sa suporta nito sa hangaring tuluyan ng matapos ang problema sa insurhensiya.

Ayon kay Cua, ligtas ang mamasyal at manirahan sa lalawigan ng kung sinuman ang magnanais nito.

Dagdag pa nito, hindi ito magiging posible kung hindi dahil sa pakikipagtulungan ng komunidad.

Ang Quirino Province ang unang lalawigan sa rehiyon dos na idineklarang ‘insurgency-free’