Mukabat ngadto sa P1,224,000 ang damyos sa sunog nga nahitabo sa San Martin Agro Industrial National Highschool, Bgy San Martin, ning siyudad sa Malaybalay, kagahapon adlawa.
Matud sa Bureau of Fire Protection kon BFP-Malaybalay nga nahitabo ang sunog alas 9:20 sa buntag.
Unang niresponde ang fire truck gikan sa Aglayan fire sub station ug ang Malaybalay City Central Station.
Gi-isa usab ngadto sa 2nd alarm ang nahitabong sunog, hinoon walay nasamdan atol niini.
Nasayran nga apil sa mga nasunog ang mga educational materials nga sulod sa mga classrooms.
Sa karon padayon nga gi-imbestigahan sa kabomberohan ang hinungdan sa mao nga sunog.
Facebook Comments
