Sa interbyu sa DXDC RMN Davao kang Police Corporal (PCpl) Jamaica Tanelon, personahe sa Hagonoy MPS, giila niini ang biktimang namatay nga si Leo Cuarisma, 59 anyos, minyo, residente sa Poblacion, Sta Maria, Davao Occidental. Samtang samaran ang kauban niining driver nga si Roy Niel Diolata, minyo ug residente sa Purok Fatima, Poblacion, Sta. Maria, Davao Occidental.
Saysay niini nga ang duha ka biktima nagsakay sa usa ka Elf truck nga padulong sa Padada sa dihang kalit na lamang nipaduol kanila ang duha ka wala mailhing indibidwal sakay sa usa ka motorsiklo ug didto na gipabuthan ang mga biktima.
Sa pagkakaron padayong ginaila ang mga suspek ug ang motibo sa krimen.
“Gina-try pa nila og locate basin makakita sila og CCTV (Closed-circuit television). Makuha ang location of identity sa mga suspect,” matud sa pulis.
RadyoMaN Kirby Manzon
[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>
