15 medical students nagpositibo sa COVID-19

88
Davao City – Nagpahigayon na karon og contact tracing ang Davao City Health Office (CHO) sa mga nakahalubilo sa kinse (15) ka mga medical students gikan sa nagkalain-laing eswkwelahan dinhi sa Davao City human nga sila nagpositibo sa Coronavirus Disease 2019 (COVID-19).

Sumala kang Dr. Michelle Schlosser, tigpamaba sa Davao City (COVID-19) Task Force, gipailawom na karon sa isolation ang mga nagpositibong mga estudyante.

Gipasabot ni Schlosser nga masabtan usab ang risgo sa mga estudyante labi na sa nature sa ilang pagtuon ug posibleng exposure sa mga ospital.

“These are medical students. We have really cluster of cases ani but thankfully, silang tanan na man fully vaccinated then most of them kay mild or asymptomatic lang ilang mga simtomas,” sulti ni Schlosser.

Samtang, nakig-alayon usab karon ang COVID-19 Task Force sa mga eskwelahan o institusyon pagsigurong napatuman ang minimum public health standards batok COVID-19 lakip na ang saktong ventilation aron malikayan ang risgo sa takod sa virus.

RadyoMaN Kirby Manzon



[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments