Nabas, Aklan — Dead on arrival sa Ibajay District Hospital rong 10-anyos nga ungang eaeaki matapos nga maeomos kahapon it hapon sa baybayon nga sakop it Brgy. Buenasuerte, Nabas, Aklan.
Nakilaea ro nasambit nga unga kay Laxier Jun Dagdagan ag residente it Brgy.Buenafortuna sa nasambit man nga banwa.
Suno kay PO1 Andrade it Nabas MPS nga ro biktima ag ro ana pang kaibahan hay nagsaeampitan nga magpaligos sa baybayon nga sakop it Buenasuerte.
Bangod sa mabaskog ro humbak sa oras ngato hay dinaea rong biktima ag uwa eot-a kitaa kung sa siin gintinguhaan pa ko anang kibahan nga usuyon ugaling uwa gid.
Ginrespondehan man eagi ko mga taga Nabas PNP ag MDRRMO Nabas para magpatigayon it search and rescue ag retrieval ag mga alas 3:00 it hapon kahapon nakita rong biktima ag uwa eon it kabuhi.
