Libacao, Aklan – Magapangatubang it kasong Illegal Possesion of Firearm and Ammunitions ro sangka eaeaki matapos nga madakpan it baril ag bala sa kasagsagan it fiesta kung Brgy. Poblacion, Libacao Sabado it hapon.
Nakilaea ro nasambit nga eaeaki kay Junifer Demas y Nabartey, 26-anyos ag residente it Brgy. Mali-ao, Tapaz, Capiz.
Sa report it Libacao PNP, ngan nakabaton sanda it report halin kay Sammy Villorente, 27-anyos ag residente it Brgy. Janlud, Libacao nga raying si Junifer Demas hay una sa boarding house ni Mel Zonio ag may daeang indi masayuran nga kalibre.
Insigida man nga nga responde rong Libacao PNP sa pagpanguna ni PSI Mayulito Iremedio, OIC para nga i-verify rong report kung sa siin nabuoe sa anang possession ag control ro sangka 45 calibre nga baril may magazine ag loaded it 7 ka bala.
Gin aresto si Demas matapos nga uwa it naipakitang dokumento ko anang daeang baril.
Detained sa lock up cell it Libacao MPS rong suspek.
