Sa report sa Tagum City Police Station (PS), giila ang mga indibidwal nga nalambigit sa aksidente nga mao sila Anselmo Gonzalo, Segundo Jr. Intia, Rustico Morallos Jr., Ronnie Cucharo, Editho Moñiza, Sinsuat Datu Polo, Gerven Tamparong, Jethro Seth, Mark Salarda ug Kristelle Dominguiano.
Sa imbestigasyon, gikan Davao City ug padulong Mawab, Davao de Oro ang 10-wheeler truck nga gimaneho ni Anselmo Gonzalo, 47 anyos nga taga New Corella, Davao del Norte. Pag-abot sa lugar, kalit kining nawad-an og kontrol rason nga nabanggaan niini ang 7 ka mga sakyanan nga naglangkob sa duha ka kotse, upat ka motor ug usa ka pedicab asa nagsakay ang nahisgutang mga indibidwal.
Sa interview sa DXDC RMN Davao kang Police Lieutenant Colonel Jeffrey Latayada, Chief of Police sa Tagum City PS, iyang gibutyag nga gilayong gikustodiya ang driver sa truck sa presinto, apan nagbaton ra usab og amicable settlement ang driver ug ang mga indibidwal nga nalambigit sa insidente.
RadyoMaN Kirby Manzon
