14 KA BARANGAY SA MAINLAND MALAY IGAPAIDAEOM SA STATE OF CALAMITY

Kalibo, Aklan – Nagpasar it resolusyon ro Liga ng mga Barangay sa banwa’t Malay para ipaidaeom sa
State of Calamity ro 14 ka barangay sa mainland.
Ro deklarasyon it state of calamity sa 14 ka barangay it Malay hay bangud man sa 6 months nga
temporary closure it isla’t Boracay kon sa siin makaron ginapaidaeom sa paglimpiyo ag rehabilitasyon.
Ro Sangguniang Bayan it Malay nagausoy makaron it kongkreto nga basihan para mapaidaeom sa state
of calamity ro mga kabarangayan it Caticlan, Poblacion, Argao, Sambiray, Napaan Naasog, Cubay Norte,
Cubay Sur, Motag, Cabulihan, Balusbos, Nabaoy, Dumlog ag Cogon.
Suno kay Liga ng mga Barangay President Julieta Aron, sa andang meeting nga ging patigayon ko Hunyo
4, 2018 nagpahayag it suporta ro 14 ka punong barangay sa mainland Malay ko declaration of state of
calamity.
Dugang na nga ging payahag nga apektado gid ro pangabuhian it mga pumueoyo sa mainland Malay
komo ro andang mga trabaho hay nakadepende man lang sa mga turista nga nagasueod sa Boracay
kapareho ko boatmen, vendors, masseurs, tricycle drivers, tour guides ag commissioners kon siin raya ro
andang ginaboe=an it suporta para sa andang pamilya.
Katuyuan ko nasambit ngarang tikang suno kay Caticlan Punong Barangay Aron, hay para mataw-an it
hugada ro Lokal nga Gobyerno nga magamit ro calamity funds ag maibulig sa mga pumueoyo bangud
naapektuhan kara ro andang pangabuhian sa pagsirado it isla.