Kalibo, Aklan — Nagnegatibo sa covid-19 Rapid Test ro 197 ka personnel it Bureau of Fire Protection Regional Office 6.
Suno kay FSInsp Stephen Jardeleza, spokesperson it BFP 6, kaeakip sa mga nagnegatibo rong mga personnel sa Iloilo Office of the Provincial Fire Marshal ag Iloilo City Central Fire Station.
Ro nasambit nga rapid test ginhimo ko Lunes samtang kahapon, ginpaidaeom man ro mga personnel sa swab test base man sa direktiba it Department of Health (DOH) 6.
Nakapatigayon man it decontamination ro mga katapo it Iloilo city fire station covid team sa bilog nga building it tatlo eon nga beses halin kat naguwa rong resulta ko Dominggo it hapon.
Nasayuran, nga hasta sa Hunyo 18 padayon nga nakalockdown rong BFP Regional Office 6 kasunod it pagpositibo sa covid-19 ko sambilog nandang personnel.
Photo: Arnold Almacen/ CMO
