General Santos City—parehong samdan ang duha ka mga lalaki human gipanigbas sa may Purok Guadalope, Barangay Conel, General Santos City alas 10:00 ang takna sa gabie.
Mga biktima giilang silang si Susimo Fuentes, 54, ug Rene Boy Roxas, 35, pulos residenti sa samang barangay. Nasayran nga anaa sulod sa ilang balay si Fuentes uban si Roxas dihang kalit miabot ang pagumangkon ni Fuentes nga hubog.
Kalit lang silang gipanigbas gamit nag sundang. Si Fuentes nakaangkon ug samad sa iyang walang kamot samtang si Roxas, nakaangkon usab ug samad sa iyang tuong kamot.
Misibat ang suspek human sa insidenti samtang ang mga biktima gidala sa Dr. Jorge Royeca Hospital. Nakagawas man dayon sa balay tambalanan ni Fuentes samtang si Roxas pabilin pa sa ospital. Gipangita na usab karon sa kapulisan nga sakop sa Police Station 4 ang suspek nga pang-umangkon ra sa usa sa mga biktima.
