ZAMBOANGA CITY—El portavoz del policia local si Insp. Edwin Duco ya revela que el maga pulis de Sta. Maria Police Station ta encabesa si Chief Insp. Joseph Ortega ta hace el hondo investigacion con el dos alegao abduccion ya sosede na barrio de Sta. Maria na dos seguiditos maga dia.
Donde el primero incidente el quien era queda victim amo el un colegiala mientras hunto le consu tata pasando na Governor Ramos Avenue particular enfrente del Sta. Maria Central School donde tiene cuatro persona muntao na un vegiculo ya precura conele hace embarca pero ya entra vera su tata quien un miembro del Philippine Army donde ya tene pa estos descutihan entre el maga suspechao.
Despues del cuantos minuto ya desalega el maga suspechao sin pwede llevar conel colegiala.
El segundo incidente donde el un 17 años mugger mientras caminando le na calsada del Tugung Road serca na Governor Ramos Avenue na mismo siempre barrio, tiene asegun cuantos persona porsaomente yah ace conele embarca na un vegiculo y ya tapa de pedaso de tela su cara que cre le tiene algun chemical amo ya causa para dorme le.
Ya disperta ya lang le cuantos hora ya pasa y asegun mismo el maga suspechao ya lleva conele na Suterville y ya manda munta tricycle para bolbe le na diila casa.el
El primer incidente ya sosede del Martes y el Segundo amo del Miercoles.
Asegun con Duco ta continua el investigacion del Sta. Maria pulis paraber pwede aresta conel maga suspechao. – Dan Toribio
