Naanod sang tubig baha ang duha ka mga balay sa Lower New Leyte, Barangay Topland, Koronadal City tungod sa pagbubo sang mabaskog nga ulan kahapon nga adlaw.
Samtang may pipila man ka mga puluy-an ang apektado sang pagbaha sa nasambit nga lugar base sa inisyal nga assessment sang Koronadal City Disaster Risk Reduction and Management Office.
Suno kay CDDRM Action Officer Cyrus Urbano malapit sa suba ang mga balay nga naanod.
Ginkumpirmar niya man nga tigayon na nga nahatag sang inisyal nga food kag non-food items ang lokal nga panggobyerno sang Koronadal sa mga apektado nga pamilya.
Padayon naman ang apela ni Sir Urbano sa mga pumuluyo partikular na ang mga nagaistar malapit sa suba kag manubo nga lugar nga mangin alerto kag magsaylo sa luwas nga lugar tungod sa indi mapaktan nga sitwasyon sang panahon.
📸Kap Angelica
