Sa nadawat nga inpormasyon sa DXDC RMN Davao gikan sa Mati City Police Station (PS), alas 4:00 sa hapon niadtong Huwebes (Enero 5, 2022) sa dihang gihimo ang retrieval operation sa pagpanguna kapulisan, kasundalohan, personahe sa City Disaster Risk Reduction and Management Office (CDRRMO) ug uban pang volunteers.
Matud sa Mati City PS, adunay nakapanimaho og patay’ng lawas sa lugar kung asa gituohang anaa pa ang duha ka biktima rason nga gibalikan ang ground zero sa area ug subling gilusad ang search rescue ug retrieval operation.
Malampusong nakuha ang patay’ng lawas sa duha ka minors nga mao sila John Gel Casaligan, 15 anyos ug ni Jethro Quilat, 14 anyos.
Kahinumduman nga una nang nakuha ang duha ka mga hamtong nga natabunan usab og yuta.
RadyoMaN Kirby Manzon
