Davao City – Sulod sa lima ka minuto nagkabinakbakay ang kasundaluhan tali mga sakop sa New People’s Army Huwebes sa kaadlawon sa may Sitio Mangurayan, Brgy. Anitapan, Mabini, Compostela Valley Province usa ka adlaw una ang ika-50 nga kasumaran sa New People’s Army karong adlawa.
Duha ka mga NPA ang natalang patay samtang usa ang samdan sa militar.
Sa interbyu sa RMN Davao kang 71st Infantry (Kaibigan) Battalion Civil-military operations Officer First Lieutenant Jhocell D. Asis nga nahitabo ang engkwentro samtang nagpahigayon sila og combat operations sa maong lugar subay sa nadawat nila nga impormasyon nga adunay planong kalihukan ang mga NPA subay sa ilahang anibersaryo.
“We already coordinated to the Local Government Unit para ma-assist po itong mga pamilyang naiwan at syempre iyong mga namatay din na mga NPAs,” matud ni Asis.
Matud ni Asis nga ilahang gikasubo ang gidangatan sa ilahang tropa kinsa naputlan og tiil ug nagpadayon pang nagpaalim sa balay tambalanan.
Narekober sa military sa area ang usa ka Improvised Explosive Device (IED), 3 ka mga improvised shotguns, detonating cord ug blasting cap.
Giawhag ni Asis ang uban pang niiktad nga mga sakop sa NPA nga mu-surrender aron walay makalas na usab nga mga kinabuhi.
RadyoMaN Aimee Guinita
