General Santos City–Gilayon matud pa nga gina-turn-over sa operatiba ngadto sa crime laboratoty ang mga nakumpiska nila nga iligal nga droga human sa ilahang operasyon mao kini ang nahimong pagpaklaro ni Police Sr. Supt. Raul Supiter kabahin sa mga kwestyon kung asa nila ginabutang ang iligal nga droga nga ilang makuha sa operasyon.
Sumala pa niini nga human matud pa sa ilang operasyon gilayon nila kini nga himuan ug spot report ug e-forward sa crime lab ang mga nakumpiska nga mga item aron usab sutaon kung tinuod ba nga aduna kini presensya sa iligal nga droga.
Mao matud pa kini ang standard operating procedure nga ginasunod sa kapulisan ug gipaniguro niini nga ang tanan nga mga nakumpiska ang ma turn-over tanan sa maong buhatan aron usab nga makustodiya kini aron malikayan ang pag uda sa katawhan nga gina-recycle sa kapulisan ang ilahang mga item nga nakuha. (Dave Silagan)
