20-anyos nga eaeaki arestado sa buy-bust operation

15

Banga, Aklan – Natigayon nga maaresto it mga taga Aklan PDEU, PDEA-Aklan, Banga MPS, Kalibo MPS, Aklan HPG ag Aklan PIB rong sangka 20-anyos nga eaeaki sa ginpatigayon nga buy-bust operation kahapon it hapon sa Brgy. Mambog, Banga, Aklan.
Rong subject nakilaea kay Randy Fulgencio, taga Purok 3, C. Laserna St., Kalibo ag presente nga naga istar sa Nasambit nga lugar.
Suno kay PMAJ. Frensy Andrade it PDEU –Aklan nga si Fulgencio hay nahabak-ean it sangka mabahoe nga sachet it ginaptihan shabu kabaylo it P 10,000 nga buy-bust ag boodle money.
Sa ginpatigayon mat-a nga body search sa suspek nabuoe ro 9 ka mga maintok nga sachet it ginapatihan shabu ag mga naka fold nga aluminum foil ag dugang nga mga kwarta.
Dugang pa gid ni Andrade nga imaw ra hay may dating kaso it pagpanakaw ag imaw man ro ginaturo it mga nadadakpan iya sa banwa it Kalibo angot sa droga.
Kapin sa tatlong buean man nga ginpaidaeom sa monitoring bago nadakpan.
Parte sa supply hay nagabuoe ra imaw sa syudad it Bacolod ag sakop nana sa pagbaligya ro banwa it Banga, Numancia, Kalibo ag Boracay.
Posible nga magapangatubang it kasong pagbayolar sa Sec. 5 (selling), Sec. 11 (possession) ag Sec. 12 (possession of illegal drug paraphernalia) it RA 9165 ukon Comprehensive Dangerous Drug Act of 2002 si Fulgencio.
Ginpamalibaran mat-a it suspek nga imaw naga gamit it droga.

Facebook Comments

From Advertisers