Kalibo, Aklan — Nag-abot sa 208 ka pamilya ukon 889 ka mga individuals rong apektado it pagbaha kahapon sa banwa it Kalibo tuga man ko uwa it untat nga pag ilinuean sa nabukid nga parte daea kung tropical depression nga si “Agaton”.
Base sa record it Municipal Disaster Risk Reduction and Management Office (MDRRMO) Kalibo nga may 8 ka mga evacuation center do andang na record kung sa siin raya hay ro evacuation center sa Magsaysay Park, Poblacion Kalibo Brgy. Hall, Tinigao Chapel, Tinigao Brgy. Hall ABL Sports Complex, Regional Science High School for Region VI, Bakhaw Norte Brgy. Hall ag sa sangka residensya sa Brgy. Mobo.
Raya nga mga evacuees hay tag may mga baeay sa flood prone area nga kung sa siin gin-eabo gid kahapon.
Insigida man nga gintatap ko mga taga Department of Social Welfare and Development (DSWD) rong mga apektado pinaagi sa pagtao it mga pagkaon ag iba pa nandang kinahangeanon.
Nagbalik man dayon sanda sa andang tagsa-tagsa ka mga panimaeay pagka aga matapos nga mgahupe eon rong baha.
