Sumala ni PMAJ Emmanuel D. Manlatican, Station Commander sa Police Station 2, atol sa pakighinabi sa DXDC 621 RMN Davao nga anaa sa 20,000 ka indibidwal ang misalmot sa maong kalihokan diin anaa sab sa dul-an 300 ka mga security forces ang gideploy sa pagsiguro sa kaluwasan ug kalinaw sa tibuok kalihukan.
Kini nga Penitential Walk mao ang unang dako nga panagtigom sa tanan nga mga lider sa GKK (Gagmay’ng Kristohanong Katilingban) sa Archdiocese of Davao lakip sab sa mitambong nga mga delegado gikan sa nagkalain-laing tunghaan, relihiyosong grupo, ug mga parokya.
Ang Balaang Misa gipangulohan ni Archbishop Romulo G. Valles, nga nagpahinumdom sa mga magtutuo sa pagbalik-loob sa Ginoo ug pagkinabuhi nga tinuad-anay asa makita sab sa buhat, dili lang sa pulong. Nag-awhag usab siya sa tanan sa paghinulsol ug pagkahiusa batok sa tanang matang sa kurapsyon.
Sa kinatibuk-an, malampuson ug malinawon nga nasugdan ug natapos ang Penitential Walk and Holy Sacrifice of the Mass usa ka timaan sa pagkahiusa sa mga Dabawenyo sa pagtuo ug panawagan alang sa kabag-ohan.
RadyoMaN Kareen Beltran
