Sa pamahayag ni PCapt. Hazel Caballero, tigpamaba sa DCPO, nga bisan pa man adunay sunod-sunod nga dagkong kantidad sa iligal nga druga nga naumpiska sa Davao, walay laboratoryo sa druga sa siyudad, diin gikan kini sa gawas sa siyudad.
Matud sa opisyal nga ang pagkasikop sa dagkong kantidad sa iligal nga druga sa siyudad subay sa kooperasyon sa nagpakabana nga mga residente ug mga opisyal sa barangay.
Nasayran nga alas-7:05 sa hapon, Abril 21, 2026, mokabat sa P795,600 ang kantidad sa druga nga nasakmit sa operasyon sa Purok 1, San Antonio Village, Barangay Matina Crossing nga nagresulta sa pagkasikop kang alyas “Dennis,” samtang mokabat sa P782,000 ang kantidad sa druga nga nasakmit sa suspek nga si alyas “Mart” sa Purok 41, Yñiguez Subd., Barangay Maa, Davao City, alas-11:35 sa buntag, Abril 21, 2026.
RadyoMaN Bien Abanos
