Davao City – Gidayeg sa Davao City Mayor’s Office ang usa ka taxi driver nga si Alrico Bernido human niya gibalik ang cellphone nga nabilin sa iyang pasahero.
Sumala sa pasahero nga si JB Salting, aksidente niyang nabilin ang iyang iPhone sa taxi, busa dako ang iyang kalipay ug pasalamat nga gibalik kini sa drayber.
Sa iyang social media post, gipasalamatan ni Salting ang drayber ug ang taxi company, nga iyang gihulagway nga matinud-anon ug masaligan. Daghang netizens ang midayeg sa maayong binuhatan sa drayber, kinsa nailhan na sab sa iyang pagkamatinud-anon.
Matud sa lokal nga gobyerno, ang maong insidente nagpakita sa kultura sa pagkamatinud-anon ug gipamatud-an nga “Basta Dabawenyo, Disiplinado,” asa padayon nga gipalig-on alang sa pagsalig sa publiko.
RadyoMaN Kareen Beltran
Facebook Comments
