Davao City- Mokantidad sa P190K nga shabu ang nakuha sa mga personahe sa Regional Special Enforcement Team sa Philippine Drug Enforcement Agency Regional Office XI National Bureau of Investigation XI SEMRO ug Talomo Police Station sa gilusad nga buy bust operation sulod sa usa ka giingong drug den sa Phase 2, Block 20, Lot 11, Elenita Heights Subdivision, Barangay Catalunan Grande, Davao City.
Malampusong nadakdan ang subject sa operasyon nga si Syed Omar Sayre, 26 anyos, Real Estate Broker human kini napalitan og P6,000 nga shabu sa PDEA Agent nga nagsilbing poseur buyer.
Arestado usab atol sa operasyon ang mga giingong drug den visitors nga sila Gil Brian Ginez ug Daniel Dela Cruz .
Narekober usab ang anaa sa (12) gramos nga shabu nga adunay a street value nga P180K, samtang (20) grams nga marijuana nga adunay street value nga P2,400, assorted drug paraphernalia ug buy-bust marked money.
Gibutyag ni Aileen Lovitos, Regional Director sa PDEA Regional Office XI kasong paglapas sa Republic Act 9165 o Comprehensive Dangerous Drugs Act of 2002 ang ipasaka batok sa mga suspetsado.
RadyoMaN Aimee Guinita
Facebook Comments
