Sumala ni Police Major Catherine Dela Rey, DCPO Spokesperson, na-file niadtong June 2, 2023 ang kaso sa City Prosecutor’s Office.
Segun ni Dela Rey, identified ang duha ka mga suspek ug adunay usa ka John Doe.
Gihulat pa sa DXDC ang dugang impormasyon gikan sa Maa Police Station sa maong kaso partikular na ang mga pangalan sa mga suspek.
Kahinumduman, nga sa interview sa programang Straight to the Point Morning Edition uban si RadyoMaN June Duterte niadtong Mayo 18, 2023 gibutyag ni Davao City Police Office (DCPO) City Director Col. Alberto Lupaz nga posibleng ‘mistaken identity’ kun nasaypan lamang ang biktima sa Diversion Road fatal shooting incident.
Gilantaw sa kapulisan nga dili ang biktima ang actual target sa mga mamumuno gumikan ang gimaneho niini nga behikulo hinulaman lamang diay sa biktima.
Niadtong Mayo 13,2023 samtang nag-atras lamang sa gimanehong SUV Ford Everest Ranger ang biktima, kalit mipatim-aw ang duha o tulo ka wala mailhing perpetrator atubangan mismo sa sakyanan, dayon og pusil ngadto sa biktima sa makadaghang higayon hinungdan sa hinanaling kamatayon ni Elizagaque.
RadyoMaN Aimee Guinita
