32-anyos nga eaeaki posible utdan it kinatawo bangud sa cancer

KALIBO, AKLAN — Posible nga mautdan it anang kinatawo ro sangka 32-anyos nga eaeaki nga residente it sangka barangay sa banwa it Banga bangud sa cancer ukon ginatawag nga Penile Carsinoma.
Suno kay alyas “Toto” nga nakaangkon it medyo pag nana ro ibabaw nga parte it ana nga kinatawo hasta nga na impeksyon.
Ginsugid nana sa anang ginikanan ag gin daea sa Aklan Provincial Hospital kung sa siin may kapin sang buean eon nga naka admit.
Sa ginpatigayon nga eksaminasyon ko ana nga attending physician, gin rekomenda na kara nga operahan ukon bue-on eon lang ro kinatawo ni alyas “toto” para nga indi eon maglala ag magkalhit ro epekto it cancer sa anang ibang parte it eawas.
Sa makaron hay uwa pa gid masayuri kon ano ro naging dahilan it ana ngara nga sakit.
Para nga mapaidaeom sa operasyon ro nasambit nga pasyente hay nagakinahang-ean sa makaron it 50 hasta 60 thousand pesos ro pamilya bangud raya ro ginapangayo it doctor.