35-anyos nga lalaki ug taga-Tudela Miss.Occ, napalgang patay sa lungsod sa Lakewood

33
Lakewood, Zamboanga del Sur – Nakabsan na sa gininhawa ang usa ka lalaki nga may igo pinusilan sa ulo ug liog didtung dapita sa ubus nga bahin sa national highway, Purok 9, Brgy Tubod, Lakewood, Zamboanga del Sur alas 8:10 ang takna sa buntag sa nilabay nga adlaw April 1, 2022.
Base sa report sa PNP Lakewood sa pagpangulo ni PLT Elvin B. Rosales, naila ang biktima nga si Elmage Vina Fuentes 35-anyos, ulitawo, residente sa Purok 2, Canibungan Proper, Tudela, Misamis Occidental.
Base sa rebelasyon sa personahi sa RHU pinaagi ni MaeJoy Ompoy gituhuang gikulata ang biktima sa dihang wala pa kini gipusil.
Nakuha gikan sa biktima ang mga importanti nga mga butang sama sa vaccination card, lighter, charger, ug usa ka cellular phone.
Nakig-coordinar na ang mga kapulisan sa Lakewood ngadto sa Tudela MPS aron mapahibalo ang tagtungod sa maong biktima.
Facebook Comments