General Santos City—patay nang nakaplagan sa iyang mga kabana yang usa ka ginang human kining naghikog sulod mismo sa ilang panimalay sa Purok 2., Barangay Palkan, Polomolok.
Giila nag ginang nga si Ester Villanueva, residenti sa maong lugar. Alas 5:20 ang takna sa kabuntagon, Domingo, Setyembre 24, 2017 dihang nakaplagan sa iyang bana nga si Ernesto Villanueva nga nag bitay na ang nahisgutan sulod sa ilang panimalay ug wala nay kinabuhi.
Uwahing nakit-an matud pa ang nasangpit didto ra usab sa ilang panimalay alas 11:00 ang takna sa gabie niadtong Sabado ug pagkabuntag na kini nakaplagang wala nay kinabuhi.
Base sa pahayag sa bana sa nahisgutang biktima nga pila na ka higayon nga misuway ug hikog ang ginang gumikan sa iyang balatian, apan wala mahinayon tungod napugngan sa mga kabanay.
Niadtong gabhiuna, wala lang gyud kabantay ang bana sa biktima sa pagkutlo niini sa iyang kinabuhi mao nga nadayonan. Sa kasamtangan ang nasangpit nga biktima anaa na sa lokal nga punerarya sa lungsod sa Polomolok.
