41, 000 swines na-depopulate sa Davao region sukad Pebrero 2020

Davao City – Mag-usa ka tuig na ang nagpadayong culling sa mga baboy sa Davao Region aron sa pagpugong sa pagkaylap sa African Swine Fever (ASF).

Sa interbyu sa RMN Davao kang Ricardo Oñate, Department of Agriculture Region XI Director, kapin 41,000 na ka mga swine ang na depopulate sugod niadtong Pebrero 2020 hangtod Enero 25, 2021.

“Nakatutok ang atong team karon sa padayong depopulation sa Davao Oriental, sa Tarragona ug sa Boston,” sumala niini.

Anaa sa 185 ka mga baboy sa Boston samtang 52 sa Tarragona, mga munisipalidad sa Davao Oriental ang padayong gina-depopulate sa pagkakaron.

Segun ni Oñate, 8,457 ka mga backyard hog raisers nga naapektuhan sa ASF ang natulunan og P5,000 nga pinansyal nga ayuda sa 23 ka mga munisipalidad ug 124 ka mga barangays sa Davao Region.

Gikumpirma niini nga sa pagkakaron nagpabiling zero cases pa ang Davao City sa ASF samtang hugot ginamonitor ang Montevista, Davao de Oro human kini bag-ohay naigo sa ASF.

Nagpatuman og hugot nga biosecurity measures ang DA XI sa tanang entry points sa Region XI.

RadyoMaN Aimee Guinita