Kagahapong adlawa nagpahigayon ug clean up drive ang mga myembro sa Pantawid Pamilyang Pilipino Program (4p’s) didto sa may Purok Cacao, Brgy. Minaog sakop ning dakbayan sa Dipolog.
Ubay ubay usab ang misalmot sa pagpanglipyo didto sa ilang kadalanan, adunay mga inahan, amahan, lakip na usab ang ilang mga anak ang mitabang sa pag panglimyo aron sa ingon nga mas mapahapsay pa ang mga maayong talan-awon sa maong lugar.
Mahitabo kini matag unang domingo kada bulan, alayon kini sa nasabutan sa mga myembro sa 4p’s nga magpahigayon ug dungan nga pag panglimyo kung asa sila na sakop.
Matod pa sa usa ka inahan nga nahinabi niining inyong tigbalita, nga dako kining tabang tungod kay gawas nga ma limpyo ang ilang lugar, malikay usab sila sa mga sakit nga posibleng motakboy kanila.
Sa nahimong aktibidad, ang tibuok pwersa sa Rmn-DXDR sa pagpangulo ni SM Edgar Dagumo, uban sa iyang mga ginsapan ang nakig tambayayong usab sa clean up drive sa mga 4p’s beneficiaries.
Bisan paman sa ka busy sa mga eskedyul, apan wala kini ge pa lampas sa grupo sa dxdr tungod kay dili lang sa kahanginan ang pag serbisyo apan lakip na ang pagtabang personal ngadto sa mga katawhan nga nanginahanglan.
