Davao City – Arestado ang usa ka BS Customs student atol sa checkpoint sa Task Force Davao sa may Lasang ning syudad alas 5:17pm human kini nakuhaan og gituohang mga marijuana.
Giila ang suspek nga si Adrian Paul Fetalver, 4th Year college student, 22 anyos ug taga-Km 10, Sasa, Davao City.
Sumala ni LTC Danny Bustamante, Commander sa Task Group Lawin nga nakuhaan ang maong estudyante og 3 ka pakete sa gituohang marijuana sulod sa iyang backpack.
Ang 10 gramos nga nakuhang mga giingong marijuana nagkantidad og P1,200.
Balhog na sa Bunawan PNP ang maong dinakpan ug gikatakdang pasakaan og kasong may kalapasan sa RA 9165 kun Comprehensive Dangerous Drugs Act.
RadyoMaN Aimee Guinita
Facebook Comments
