New Washington, Aklan — Kulong sa Aklan Rehabilitation Center (ARC) rong tiyo matapos nga ginpasakaan it kasong pagbayolar sa RA 8353 ukon Anti-Rape Law of 1997.
Rong suspek nakilaea kay Romelito Enriquez y Dela Peña, 31-anyos ag residente it Brgy. Mabilo , New Washington, Aklan.
Sa report nga nabuoe it RMN Kalibo kainang agahon sa New Washington MPs nga natabo rong paghimueos sa biktima samtang raya naga isaeanhon nga nagapamataw it tv bangud ro anang nanay hay nag adto sa sangka namatyan.
Ginsueod it suspek ro unga ag igto ginpatigayon ro paghimueos.
Nasayuran eon lang ko anang nanay ro natabo tag magsugid raya nga nagapanangison.
Insigida nga nagpangayo it bulig ro anang nanay sa andang punong barangay kung sa siin dayon man nga nagtawag it pulis ag nadakpan rong suspek.
Sa makaron hay una pa sa state of trauma rong unga.
