7 dag-on nga ungang babaye ginhimuslan, 21-anyos nga suspek arestado

44

Malinao, Aklan – Natigayon nga maaresto it mga kapulisan kung Malinao PNP pinaagi sa hot pursuit operation rong suspek kahapon nga nahimueos sa sangka 7-anyos nga ungang babaye ko Biyernes it agahon sa Brgy. Lilo-an, Malinao, Aklan.
Rong suspek nakilaea kay Stephen Belarmino, 21-anyos ag residente it Brgy. Cogon sa nasambit nga banwa.
Kung mataandaan nga nag reklamo sa Malinao PNP rong nanay it biktima matapos nga masayuran rong natabo sa anang unga kat ana rayang ginpanguta dahil napan-uhan na nga maeoya ag may dugo rong eambong ko unga.
Suno kay PLT. Jose Iturralde, hepe it Malinao PNP nga matapos nanda mabaton rong report hay insigida sanda nga nag responde sa lugar ag gin adtunan rong natabuna it krimen kung sa siin andang nakita ro tueo it dugo ag ro short it biktima nga may dugo.
Sa pag imbestiga it kapulisan natabo rong krimen samtang rong biktima kaibahan ro anang 9-anyos nga magueag hay idto sa suba naga dakop it isda, natabuan man nga ro andang nanay hay nag adto sa eskwelahan para mag-atender it meeting ag ro andang tatay hay may trabaho.
Naha agi rong suspek ag nakita nana rong bitkima, ginhana nga taw-an na it tubi ag kwarta pero uwa raya pagbatuna. Dikara dinakop it suspek ro biktima, gintabunan ro anang baba ag ginadaea sa may CR maeapit sa baeay it biktima ag idto ginhimuslan.
Magapangatubang it kasong rape rong suspek nga nakataeana nga iga inquest makarong adlaw.
Gintinguhaan man nga mabuoe it News Team rong pahayag it biktima pero nagpamalibad raya.
#TatakRMN <www.facebook.com/hashtag/tatakrmn?source=feed_text&epa=HASHTAG&__xts__%5B0%5D=68.ARBiS2_OcEkXCc0IAjH5NDtFjCFSz12WHt9Kr_bYO7EJ9a8gM_Kco74iToftRT_xLAaoPSnpaqWhRDjc68dbiBQphpLf1AAbEIbhO5trHhEA56pEU-Qf…>


Facebook Comments