Subay ha datos, umabot ha 60 nga barangay ha Calbayog City an ginpailarom ha ‘Red Category’, pinakadamo ha bug-os nga Eastern Visayas.
Pito (7) naman nga mga barangay ha Sta Margarita Samar ngan lima ha Matuguinao Samar an aada gihapon ha grave concern o posible igpailarom ha comelec control.
Samtang, 14 naman nga barangay ha Calbayog in aada ha areas of immediate concern o orange category o mga lugar nga aada ha seryoso nga tarhog han armado nga grupo.
Lakip pa ha orange category an 4 nga barangay ha Gandara, 2 ha Sta Margarita, 4 ha Matuguinao, 12 ha Calbiga, ngan 8 ha Pinabacdao. Ha Northern Samar, 4 nga barangay ha Victoria, 2 ha Bobon, ngan tag-usa ha Lavezares ngan San Isidro.
An mga lugar naman ha probinsya han Leyte nga anay nagkaada hin mga insidente hin panmusil kun diin biktima an pira nga mga tigsiring ha eleksyon in gin-pailarom ha yellow category.
Upat (4) dinhi an mga barangay ha Leyte, Leyte, ngan tulo ha Villaba Leyte. via Justine Traya (Photo credits to Police Regional Office 8 )
