87 ka mga balay sa boundary sang barangay Bolilao kag Bakhaw Mandurriao ang natupok sang kalayo sa nagluntad nga sunog kahapon sang udto.
Sa nasambit nga numero, 80 ang totally gutted kag 7 ang partially damaged kag sa 80 ka totally gutted, 50 ang sa bahin sang Bakhaw kag 30 ang sakop sang Bolilao samtang sa partially damaged, 4 nagikan sa Bakhaw kag tatlo naman ang sa area sang Bolilao.
Nag-umpisa ang sunog mga alas 11 sang aga kag lubos na-fire out mga alas 12:50 na sang Udto.
Ginpahayag ni Fire chief Inspector Bartolome Biliran, ang city fire marshall nga base sa ila imbestigasyon, nag-umpisa ang kalayo sa balay ni Jonna Pasigna-signa kon sa diin nagmakot ang kalayo gikan sa nahulog nga kahoy nga ila ginatong sa pagluto tubtub nagdaku ang kalayo kag naglaton sa iban nga mga pamalay.
Base man sa pagbanta sang BFP, naglab-ot sa halos 10 Million Pesos ang kabug-usan nga kahalitan sang nasambit nga sunog. (sspunay)
