Arestado ang isa ka lalaki sa buy bust operation nga ginhiwat sang kapulisan sa banwa sang Tigbauan, Iloilo.
Ang suspek ginkilala nga si Bernard Terosa, 32 anyos kag pumuluyo sang Barangay 4 sang nasambit nga banwa.
Narecover kay Terosa ang lima tanan ka sachet sang suspected shabu, 700 pesos nga cash kag isa ka cellphone.
Ginpahayag sang barangay kapitan sang Barangay 4 Tigbauan nga si Marcelo Senosa, wala sa ila watchlist ang suspek.
Gin-ako naman ni Terosa nga nagagamit siya sang illegal nga druga apang wala siya nagabaligya sini.
Yara na karon napriso sa Tigbauan Police Station ang suspek kag magapangatubang sang nagakaigo nga kaso.(sspunay)
