Ni Jay-ar M. Arante, RMN-DYKR Kalibo
Nakataeana eon sa adlaw nga Sabado do 34th Annual General Membership Assembly it Aklan Electric Cooperative (AKELCO) sa ABL Sports Complex sa Kalibo.
Daya hay may temang “Strengthening AKELCO Amidst Continuing Challenges.”
Magiging dinapit nga bisita sa dayang Assembly hay ro General Manager it MAGELCO o kun Maguindanao Electric Cooperative nga si Sultan Ashary Maongco.
Dikara paga-istoryahan do naga kasari-sari nga programa it Akelco, Gm’s report ag mga naging problema it daya nga electric cooperative sa sueod it dayang dag-on.
Magiging presente man do tanan nga Board of Directors it Akelco ag maga panguna man sa raya nga okasyon si Engr. Alexis Regalado rong General Manager it Akelco.
Samtang may una man nga open forum sa mga maga atindar nga kunsomidor para maipaabot man do anda nga mga pangutana.
Nasayuran nga ro Annual General Membership Assembly hay dag-onan nga gina himo it Akelco nga gina atendiran it masobra sa sang libo nga kunsumidor.
