Davao City – Mireklamo sa kapulisan ang usa ka amahan human magduda nga ginabaklad ang iyang mga anak nga dalaga samtang maligo sa iyang nga silingang standby.
Sa blotter sa Talomo PNP, nagpatabang ang amahan nga si alyas ‘Digoy’, 38 anyos, nagpuyo sa Barangay Ma-a human iyang nasuta nga adunay nagapamaklad sa gawas sa ilang banyo.
Naligo ang amahan sa ilang shower room ug maoy iyang dakong kakurat nga nagtagbo ang ilang mga panan-aw sa gamay nga bintana sa suspek nga ginganlan og alyas ‘Hans’.
Daling midagan ang suspek nga si alyas Hans pagkakita niini nga lalake ang naligo sa maong banyo.
Nagtuo ang amahan nga ang iyang anak nga dalaga maoy tuyo sa mamaklaray ug posible nga nakuhaan na kini og video samtang naligo sa mga suspetsado.
Gidugang sa amahan nga kakutsaba sa mga mamaklaray nga tambay ang iyang uyuan nga gingalan ug alyas ‘Panoy’ aron lilion ang iyang anak dalaga kun mugamit sa ilang shower room.
Giduso ang kaso sa barangay aron didto ipatawag ang mga respondent aron patubagon sa reklamo.
RadyoMaN Erin Lumosbog
