Boracay — Patay rong sangka American national samtang naga bakasyon sa isla it Boracay.
Nakilaea rong biktima kay Roben Nieves Acevedo, 56-anyos ag naga dayon sa La Plage de Borcay Station 1, Brgy. Balabag, Malay Aklan.
Base sa report It Boracay Tourist Assistance Center nga kahapon hay nagpang-eain rong pamatyag ko nasambit nga biktima ag una ra imaw nga gin aplayan it first aid ni Ma. Liza Relator kung sa siin nag stable do pamatyagan it nasambit nga kano.
Apang ko ulihi napan-uhan raya ni Armel Ambrocio nga uwa eot-a naga ginhawa ro biktima, rason nga gintawagan nanda ro Metropolitan Doctors Clinic para magpangayo it medical assistance pero pagtan-aw ni Dr. Welbor J.R.A. Demafiles hay ana kara nga gindeklara nga patay.
Nagpatigayon man it imbestigasyon rong SOCO-Boracay sa pagpanguna ni PCI Robert G. Layador sa nasambit nga insidente.
Sa makaron hay uwa masayuri kon ano ro ginkamatay it nasambit nga biktima.
Gindaea man ro anang bangkay sa sangka funeral home sa Brgy. Cubay, Malay, Aklan.
