Kalibo, Aklan — Dakop rong sangka persona matapos nga maaktuhan ko mga pulis nga bit-bit nga tatlong bilog nga pagbueang nga manok kaina it aga-aga sa Brgy. Estancia, Kalibo, Aklan.
Nakilaea rong nasambit nga suspek kay Jeremie Dela Cruz, 32-anyos ag residente it Bliss Cawayan, New Washington.
Sa report it Kalibo PNP nga samtang nagapatigayon it patrol ag police visibility rong grupo ni SPO3 Ronald Macario sa lugar anda napan-uhan ro sangka eaeaki nga nagapanikangon sa may dating terminal it ceres nga may daeang backpack ag mabahoe nga plastic.
Anda kara nga ginkutana kon siin maadto hay suno kay Dela Cruz sa terminal it ceres nga bag-o pero ro anang ginaturo hay sa may gasoline station.
Nagduda ro mga pulis anda nga ginsundan pero ko ulihi nakahata raya ag dumaeagan, linagas ag nadakpan.
Na recover kay Dela Cruz ro tatlo tanan ka mga pagbueang nga manok nga suno kana ginapabligya ni certain “Jessie” it Libacao sa Kalibo Public Market.
Kulong si Dela Cruz sa Kalibo PNP ag magapangatubang it nagakaigo nga kaso.
