ANAY PBA PLAYER, DAKUP SA BUYBUST OPERATION SA BAROTAC NUEVO, ILOILO

4165

Dakup sa buybust operation sang Provincial Drug Enforcement Unit (PDEU) kag Barotac Nuevo PNP ang utod sang anay PBA Player nga si Jerry Codiñera sa Brgy. Tabucan, Barotac Nuevo, Iloilo.

Ginkilala ang suspek nga si Harmon Codiñera, 55 anyos, nagatrabaho bilang Sports Utility Worker sang Barotac Nuevo kag stay-in sa training center sa nasambit nga banwa.

Walo ka sachet sang suspected shabu nga nagabalor sang P20,000 ang nakuha sa posisyon ni Codiñera.

Sa Bacolod City pa ginabakal ni Codiñera ang Shabu kag aminado ini nga nagagamit siya sang illegal nga druga apang ginpanginwala nga ini ang nagabaligya

. Si Harmon Codiñera ang naghampang sa lima ka teams sa PBA kalakip na ang Purefoods kun sa diin sila nagkaupod sang utod nga si Jerry Codiñera.

Nagretiro si Harmon sang 1999 kag nangin coach sa pila ka basketball teams.

Nakapauli sa Barotac Nuevo, Iloilo si Harmon Codiñera bangud tumandok sa sini nga banwa ang iya live in partner.

Nagtudlo man ini sang mga basketbal players sa Barotac Nuevo, Iloilo.
#tatakrmn

Facebook Comments