Maikli pero malalim ang banat ng motorcycle ride-hailing app na Angkas kaugnay sa isyu ng “sabay-sabay” na kumakalat ngayon sa internet.
Bakit kasi sabay-sabay ha? Dito sa Angkas, one-at-a-time lang lagi ang sakay.
— Angkas (@angkas) July 23, 2019
“Bakit kasi sabay-sabay ha? Dito sa Angkas, one-at-a-time lang lagi ang sakay,” mensahe ng Angkas sa kanilang official Twitter account.
Hindi man diretsong binanggit kung sino ang pinatatamaan, paniwala ng mga netizens patungkol ito sa isyu ng Grab Philippines.
Nitong Martes, binatikos ng netizens ang transport vehicle network service dahil sa pagsakay nila sa isyung kinasasangkutan ngayon nina Bea Alonzo, Gerald Anderson, at Julia Barretto.
Sa Facebook post na tinanggal ng Grab, makikita ang mga personalidad na dating nobya at umano’y na-link kay Gerald.
Giit ng nakararami, hindi dapat kinukunsinti ang sabay-sabay na pakikipagrelasyon sa mga kababaihan.
Dagdag pa nila, maling sumakay sa kontrobersiya lalo na at may taong masasagasaan.
Humingi rin agad ng paumanhin ang sikat na ride-hailing app sa kanilang pinaskil.
“We apologize for running the light! We were in no way encouraging nor condoning disrespect for women and disrespect within relationships,” pahayag ng Grab Philippines sa kanilang Facebook post.
Ayon pa sa Grab, hinahangaan nila ang pagmamahal at tiwalang ibinubuhos ng fans sa mga aktres na ginamit sa nasabing promotion.
Samantala, dinaan sa biro ng ilang social media users ang kanilang pag sang-ayon sa patama ng Angkas.
Yan.. ganyan dapat.. panget pero marunong gumalang sa mga babae.. yan ang @angkas..
Pero single ka pa rin..
— Cj Rodriguez (@Heylookitscj) July 23, 2019
Kay angkas tayo. Solo na naten, mag aamoy araw at usok pa tayo
— hgarcia (@eychbomb23) July 23, 2019
Magandang promo code yan. ONEATATIME 🤔
— April Cerine 🌈 (@aprilcerine) July 23, 2019
Mungkahi naman ng iba, huwag na silang sumali pa sa kontrobersiya.
Wag ka na maki-angkas, Angkas, winner na socmed marketing nyo kahit walang ganito.
— Jill Brillo (@jillbeys) July 23, 2019
Bakit niyo ba sinasakyan yung issue?
Huehuehuehue 😏
— Francesca Mempin (@cheskamempin) July 23, 2019
Napaka foul niyo, patol talaga? Tsk tsk
— MichelleLove (@MichelleLove82) July 23, 2019
