Apelo del jail warden

20
EL CITY JAIL WARDEN SI MAJOR FE GALVEZ TA PIDI CON EL GOBIERNO LOCAL PARA CONSIDERA O NOMAS YA IMPLEMENTA CON EL CITY ORDINANSA 575 PORCAUSA NOHAY MAS ACABADA EL LOCKDOWN ADENTRO DEL FACILIDAD.
BAHO NA MENCIONAO ORDINANSA, TODO EL MAGA PERSONS DEPRIVED OF LIBERTY (PDL) O MAGA DETENIDO TIENE QUE PONE BAHO NA SWAB TEST O ANTIGEN TEST ANTE DE TRANSFIRI NA OTRO FACILIDAD COMO NA SAN RAMON PENAL COLONY O MAS AQUELIOS MAGA TA MAN RELEASE.
EL PROBLEMA COMO COSA TA EXPERIENCIA EL JAIL MANAGEMENT, CADAVEZ TIENE TA MAN SWAB TEST TIENE TAMEN QUIEN TA MAN POSITIVE SI PORQUE TA MAN LOCKDOWN EL FACILIDAD Y DOLOMISMO TA QUEDA PARALITICO EL MANAGEMENT Y NUPUEDE HACE MAGA ACTIVIDAD HASTA EL VISITADA DEL MAGA FAMILIA BIEN ESTRETIO.
SI GALVEZ YA HABLA DEVE ESTE MAGA TIEMPO TIENE YA SILA TA HACE MAGA ACTIVIDAD DEL FIESTA PIKAR Y HASTA PARA NA FASCUA, PERO PORCAUSA PURMI SILA TA MAN LOCKDOWN NOHAY SILA COSA TA PUEDE HACE .
QUIERE SI GALVEZ BIRA YA NA NORMAL EL SITUACION ADENTRO DEL FACILIDAD EGUAL CON EL FACE-TO-CLASSES YA NORMALISA YA PERO SILA TA ESTA PA SIEMPRE LOCKDOWN Y TA CONTINUA QUE CONTINUA PA Y SI HASTA CUANDO NUSABE PA SILA.
EL ORDINANSA YA HACE DESPUES EL MISMO MANAGEMENT YA PIDI AYUDA CON EL CONSEHO LOCAL PARA HACE PASA CON EL ORDINANSA AMEDIANTE AQUEL TIEMPO MANADA DEL MAGA PDL YA SALE POSITIVO NA COVID.
PERO AHORA QUIERE YA SILA QUE BIRA YA NA NORMAL CIENDO NORMAL YA TAMBIEN EL ANDANSA NA ENTERO PAIZ.
Facebook Comments