IVISAN, CAPIZ- Dakop sang mga katapo sang Ivisan PNP ang isa ka persona nga nagatuga sang gamo alas 11:25 sang gab-e sa Barangay Agmalobo banwa sang Ivisan matapos ini ang nakuhaan pa sang ilegal nga druga.
Ginkilala ang suspek kay Rommel Perez y Flores, 25-anyos ang pang-edaron kag residente sang nasambitan nga barangay.
Naabtan pa sang mga kapulisan nga nagahawid sang botelya sang beer ang hubog nga suspek kabangdanan ini ang gin-arestar sang mga kapulisan.
Sang ginrekisa, nakuha sa sulod sang iya bulsa ang duha ka sachet sang suspected shabu.
Magapangatubang sang kaso nga paglapas sa Section 11 sang Republic Act 9165 ukon Comprehensive Dangerous Act of 2002 ang amo nga persona nga sa subong ang nakahunong na sa lock-up cell sang Ivisan PNP.
Facebook Comments
