Davao City – Dead on the spot ang usa ka helper sa Assemblyman sa second District, Maguindanao Province human nga alegasyong giambush alas 2:30 kaganinang hapon sa Corner Macupa, Chico Street, Phase 4,Cuidad Esperanza, Cabantian, Buhangin District, Davao City.
Sa report gikan sa Police Regional Office kun PRO XI, patay ang helper ni Assemblyman Sidik Amiril nga giilang si Berry Adas samtang luwas ang upat ka laing sakay sa itom nga pick-up nga gibanhihan sa wala pa mailhing mga suspek sakay sa SUV ug back-up nga single nga motorsiklo.
Gawas kang Berry Adas ug Sidik Amiril nga sakay sa pick-up, giila usab ang lain pang mga sakay niini nga sila Kaharudin Manda, Moktar Adam ug Jastipy Mamadras.
Sa karon, naglusad na og imbestigasyon ang kapulisan ug hot pursuit operation aron masuta ang mga mihimo sa alegasyong pagpangambush.
RadyoMaN Renz Barbarona
