Pagahimoon ang maong kalihokan sa PESO Main Office sa DCRC (Almendras Gym) Compound sa Quimpo Boulevard, diin ipahigayon ang information drive, pre-screening, ug registration alang sa Candidate Soldier Course sa Philippine Army.
Subay niini, aron makwalipikar, kinahanglan nga ang aplikante nag-edad og 18 hangtod 26-anyos, single, walay parental obligation, ingon man usa ka Senior High School graduate kun nakakuha og 72 units sa kolehiyo. Kinahanglan usab nga adunay minimum nga 5 feet ang gitas-on, maayong panglawas, ug walay pending nga kaso sa korte.
Gani, gipahinumduman ang mga interesadong aplikante nga magdala sa ilang diploma, Form 10, PSA birth certificate, ug valid ID aron malikayan ang kalangay sa proseso sa aplikasyon.
RadyoMaN Wil Duran
