AYUDA IT DOLE PARA SA MGA WORKERS SA BORACAY MABATON EON UMPISA MAYO 24

46

Kalibo, Aklan — Mabaton eon ko mga trabahador (formal sector) sa isla it Boracay rong ayuda halin sa Department of Labor and Employment (DOLE) pamaagi sa Adjustment Measures Program (AMP).
Suno kay DOLE-Aklan OIC Carmela Abellar ro nasambit nga financial support hay base man sa Department Order No. 191.
Para sa mga RETAINED WORKERS nga nagatrabaho pa gihapon sa isla pero uwa nakakabaton it regular nga sweldo hay makabaton it financial support nga 25% it minimum wage nga katumbas it P 2,102.75 kada buean. Igatao raya nga uwa it kondisyon ag lump sum katumbas it tatlong buean ukon (P 6,308.25).
Sa mga SUSPENDED ag DISPLACED WORKERS hay parehong makabaton it financia support nga 50% minimum wage ukon katumbas it P 4,205.50 kada buean sa sueod it an-um n ga buean pero kinahangean pa nanda nga makapasa sa evaluation it DOLE ag sumunod sa mga conditional requirements kapareho ko pag-usoy it trabaho ag pag-atender sa mga trainings it iba pang ahensya it gobyerno.
Ro mga workers nga gusto mag-avail sa programa ngara hay kinahangean mag-sumite it mga documentary requirements kapareho ko mga masunod.:
1. Duly accomplished AMP Application Form ng DOLE
2. Photocopy of Certificate of Employment (original)
3. Photocopy of any government issued ID
4. Land Bank of the Philippines Account
Naghalin ro budget kara sa President’s Contigent Fund kung siin ro Adjustment Measure Program hay gin aprobahan ko May 4, 2018 ni Labor Secretary Silvestre Bello III.
Tuyo ko nasambit nga programa hay makatao it financial assistance sa mga workers nga apektado it temporaryong pagpasara it Boracay.

Facebook Comments