An 26-million nga proyekto in natindog ipinaagi han Department of Public Works and Highways (DPWH) Samar 2nd District Engineering Office nga ginpondohan ha ilarom han General Appropriations Act (GAA) nga parte han Build, Build, Build program ni anay Presidente Rodrigo Duterte.
Pinangunahan ini ni Major General Camilo Z. Ligayo, Commander han 8ID an ceremonial inauguration ngan blessing.
Ine in gin-atenderan han DPWH VIII Regional Director Edgar Tabacon ngan gin-representantihan ni Engr. Lucas Bacsal, Chief of the Maintenance Division ngan Engr. Hermino Gumatico, DPWH Catbalogan District Engineer.
An mga opisyales tikang ha 8ID ngan DPWH in nagpirma gihapon han certificate of completion nga gin-sundan han ribbon cutting, pagpakita han marker ngan pag-blessing han pasilidad.
Hingyap han bag-o nga building nga makahatag hin pagsuporta ha administrative ngan operational nga aktibidadis han 8ID.
Igintagan hin duon ni Major General Ligayo an importansya han bag-o nga impastraktura ha pagpasilitar ngan pagpa-upay han mga aktibidadis ha kabug-usan nga dibisyon.
Sumala pa ha iya, hiya in nagpadangat hin tim-os pagpasalamat ha DPWH sugad man han mga engineers ngan trabahante han Engineer Construction Battalion para ha ira kontribusyon han pag-himo ha nasabi nga building.
“Your untiring and unwavering support is very much appreciated by this command. The establishment, utilization, and maintenance of this facility will significantly help improve the unit readiness and the performance of our soldier,” segun ni Ligayo.
